Fuma sigaru bele mós hamosu kankru ran. imajen/google.

DILI, 02 juñu 2020 (TATOLI)-Ministériu Edukasaun Juventude no Desportu liuhosi Diresaun Nasionál Eskolár no Departementu Saúde sei kontinua sensibiliza informasaun ba estudante sira kona-ba impaktu fuma tabaku no proibidu fuma iha areadores eskola.

Diretór Nasionál Asaun Eskolár, MEJD, Joaquin Martins, informa asuntu ne’e bainhira partisipa komemorasaun loron mundiál fuma tabaku iha Otél Novo Turizmu, Lecidere Dili, tersa ohin.

Notísia Relevante:Persentajen Fumadór ho Idade Labarik Komesa Tuun iha TL

”Ita tenke halo sensibilizasaun barak ba ita-nia estudante sira tanba peskiza ne’ebé hala’o husi Global Youth Tabaco Survey iha tinan 2013 to’o 2019 katak ita-nia estudante barak mak husi idade 13-15 mak fuma sigaru,” katak Nia.

MEJD sei servisu hamutuk ho Ministériu Saúde no Organizasaun Mundiál Saúde (OMS) sei buka atu kria regra ruma hodi fó sansaun ba estudante no Profesór sira bainhira identifika fuma iha areadór eskola sira.

”Ami koko ona taka publisidade iha eskola katak área eskola tenke livre husi fuma sigaru tanba ne’e mak ami tenke hasa’e konsénsia ba sira katak fuma ne’e afeta tebes ba saúde,” tenik liután.

Liuhosi supervizaun ne’ebé maka MEJD halo ona durante ne’e nota profesór no alunu sira balun sei kontinua fuma iha areadór eskola.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here