Doc. TATOLI.

DILI, 02 juñu 2020 (TATOLI)–Prezidente Konsellu Konsultivu Fundu Petroliferu (KKFP), Juvinal Dias, alerta ba Governu tenke hahú ona ho polítika investimentu ida-ne’ebé mak la depende makaas liu ba Fundu Petrolíferu maski Fundu Petrolíferu nafatin fontes elementu di’ak ida maibé atu di’ak liu hanoin ona ekonómia seluk.

“Ho situasaun hirak ne’e ami hakarak alerta ba Governu katak tenke hahú ona polítika investimentu ida ne’ebé mak la depende makaas liu ba fundu petrolíferu maski fundu petrolíferu nafatin fontes elementu di’ak ida maibé atu di’ak liu hanoin ona ekonómia seluk,” dehan Prezidente Konsellu Konsultivu Fundu Petrolíferu (KKFP), Juvinal Dias, liuhosi Konferénsia Imprensa iha salaun FONGTIL, Caicoli, Dili, tersa ne’e.

Tanba, nia hatutan, Timor-Leste lakon ona Millau $800 iha fulan rua ikus (fevereiru-marsu) ne’e mMaibé Governu mós seidauk halo levantamentu. Foin daudaun ne’e, nia dehan, Governu foti hela $250 no iha planu atu foti tan tanba seidauk iha Orsamentu Estadu.

“Entaun, ami hanoin katak fundu petrolíferu iha tinan ne’e sei infrenta problema makaas espesialmente iha redusaun nian ne’ebé mak makaas. Tanba, ida hosi merkadu finanseiru no ida seluk mai hosi levantamentu fundu petrolíferu nian,” nia informa.

Tuir nia, Parlamentu Nasionál ne’ebé mak atu aprova Orsamentu Estadu no ba Governu ne’ebé mak atu prepara Orsamentu Estadu atu konsidera katak fundu petrolíferu ne’e rekursu úniku ne’ebé mak TL iha.

Bainhira, nia hateten, Governu la jere ho di’ak no hakarak atu foti de’it, la antesipa ka la kálkula atu halo atividade finanseiru merkadu nian maka futuru TL sei enfrenta problema hanesan sustentavél fiskál.

Prezidente Komisaun Fundu Petrolíferu (KFP) ne’e hateten, moras Coronavirus (COVID-19) ne’e fó implikasaun boot tebes ba fundu petrolíferu nian. Durante fulan fevereiru-marsu tinan ne’e, fundu petrolíferu lakon maizumenus millaun $800. Ida ne’e akontese tanba lockdown ne’ebé mak aplika bai ha Estadus Unidus no iha nasaun barak ne’ebé mak hala’o atividade hotu la la’o.

“Durante ema sira ne’ebé mak joga iha merkadu asoens katak sira prefere atu muda sira-nia investimentu asoens ba iha bons entaun halo merkadu enfrenta boot tebes. Nune’e nia problema mak ita Timor-Leste lakon osan millaun $800 ne’e,” nia haktuir.

Horiseik, nia dehan, iha folin mina-rai sa’e utioan maibé nia implikasaun ba fundu petrolíferu menus uitoan tanba rezerva Bayu Undang menus.

“Ho presu mina-rai ne’ebé mak nafatin no la s’ae makaas, ida ne’e mós fó implikasaun futuru dezenvolvimentu Griter Sunrise ne’ebé atu sai hanesan kampu ba submisaun Bayu Undang nia futuru,” nia adianta.

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here