Atividade Funsionáriu DNTT Balide, Dili. Imajen/Espesiál

DILI, 02 junu 2020 (TATOLI) – Hafoin la halo atendimentu públiku durante fulan-rua relasiona ho implementasaun Estadu Emerjénsia, Diresaun Nasionál Transporte Terrestre (DNTT) hahú hikas atendimentu iha loron 1 juñu.

Liuhosi nota sirkulár ne’ebé fó sai husi DNTT iha loron 1 juñu, kliente ne’ebé dokumentu karreta ka motór mate iha períodu Estadu Emerjénsia hahú loron 28 marsu to’o 08 juñu 2020 sei la aplika multa.

Xefe Departementu Rejistu Veíkulu DNTT, Nelson Martins, hateten bazeia ba despaisu, DNTT sei reativa hikas atendimentu públiku ba renovasaun lisensa karreta no motór.

“Ami halo atendimentu ba renovasaun karta kondusaun iha Akanunu, maibé kona-ba halo foun ami seidauk bele halo tanba ne’e envolve ema barak”, dehan Nelson Martins nia ba Agência Tatoli, via telefónika tersa ne’e.

Nune’e mós, DNTT hahú simu mós atendimentu ba inspesaun veíkulu.

“Ami-nia Departementu Inspesaun Veíkulu iha Comoro mós agora daudaun hahú ona sira atendimentu normál filafali”, nia salienta.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here