Reprezentante Vatikanu iha Timor-Leste, Monseñor Marco Sprizzi.Imajen/Egas Cristovao

DILI, 01 juñu 2020 (TATOLI)-Reprezentante Vatikanu iha Timor-Leste, Monseñor Marco Sprizzi husu ba Governu konstituisaun daualu ne’ebé lideradu husi Primeiru-Ministru, Taur Matan Ruak, hodi rezolve problema ki’ak no hadi’a povu nia moris di’ak.

Marco Sprizzi hato’o pedidu ne’e durante hasoru malu ho Xefe Governu, Taur Matan Ruak, iha Palasiu Governu Dili, segunda (01/06/2020).

“Ohin ami ko’alia ho Primeiru-Ministru katak, Santa Sé sempre hamutuk ho kualker Governu kualker forsa polítika sé de’it para haree povu nia moris, entaun Governu tenki funsiona ho di’ak atu hadi’a povu nia moris,” informa nia.

Nia fó opiniaun katak Governu atu funsiona ho di’ak lidér nasionál sira tenki tuur hamutuk halo dialogu nune’e bele hetan solusaun hodi nune’e bele lori ona dezenvolvimentu ba nasaun no povu.

“Dialogu entre lidér sira importante tebes ida ne’e mak dalan di’ak atu lori nasaun ba oin,”nia Sujere.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here