Reprezentante Estadu Vatikanu iha Timor-Leste, Núnsiu Apostóliku, Monseñor Marco Sprizzi Hasoru MaIu Primeiru-Ministru, Taur Matan Ruak. iha Palásiu Governu, Segunda (01/06). Imajen/Egas Cristovão

DILI, 01 juñu 2020 (TATOLI)-Reprezentante Vatikanu iha Timor-Leste, Monseñor Marco Sprizzi hasoru malu ho Primeiru-Ministru, Taur Matan Ruak, iha segunda (01/06/2020) hodi ko’alia kona-ba aplikasaun vistu livre ba misionáriu estranjeiru ne’ebé maka daudaun ne’e hala’o misaun iha Timor-Leste.

“Ohin ami mós ko’alia asuntu bilaterál ida kona-ba vistu imigrasaun nian ba misionáriu sira, buat ne’e sai tiha ona lei iha Timor-Leste, tanba konkordata ne’e asina tiha iha 2015 no hetan ona ratifikasaun husi Parlamentu Nasionál ne’ebé vigora ona hanesan lei,” Padre Vigáriu Dioseze Dili, Juvito do Rego, ba Jornalista Sira, iha Palasiu Governu, segunda ne’e.

Notísia Relevante:Igreja Katólika-MNEK Atualiza Prosesu Implementasaun Konkordata

Bibi-atan ne’e dehan tan,maski akordu ne’e asina ona maibé to’o ohin seidauk implementa tanba ne’e, igreja katólika iha Timor-Leste, haruka ona karta ba Primeiru-Ministru atu konsidera asuntu ne’e hodi implementa.

“Maibé ohin ami ko’alia ona ho Primeiru-Ministru dehan tenke aselera lalais buat ne’e tanba misionáriu sira mai iha ne’e la’ós atu buka osan maibé atu mai serbí ita-nia maluk sira,”tenik tan.

Notísia Relevante:Konkordata Santa Sé Ho Timor-Leste, 50% Ba Área Edukasaun

Vatikanu ho Igreja Katólika iha Timor-Leste espera katak Governu bele deskute filafali asuntu ne’e hodi implementa.

Notísia Relevante:Don Basílio Hasoru Primeiru-Ministru Hodi Konfirma Konkordata

“Buat hotu sei liuhosi prosesu maibé, ami mai ko’alia nafatin tanba buat ne’e urjente tanba misionariu barak los iha ne’e, sira mai ne’e atu serbí ba eskola, saúde no buat barak iha ne’e la’ós buka osan ba sira-nia família,” tenik Padre Juvito.

Notísia Relevante:Igreja no Governu Hahú Enkontru Hodi Estabelese Ekipa Diskute Konkordata ho Santa Sé

Daudaun ne’e, Misionáriu rai-li’ur sira sei kontinua uza vistu turista hodi hala’o misaun iha territóriu Timor-Leste.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here