Komisária Nasionál Komisaun Direitu Labarik, Dinorah Granadeiro. Imajen/TATOLI

DILI, 01 juñu 2020 (TATOLI)–Komisária Nasionál Direitu Labaraik (KNDL), Dinorah Granadeiro, hateten iha komemorasaun Loron Mundiál Labarik ne’e KNDL hamutuk ho Vise Ministra Soldaridade Sosiál no Inkluzaun (MSSI), Signi Chandrawati Verdial, hala’o vizita ba labarik moras sira iha Hospitál Nasionál Guido Valadares (HNGV-sigla portugés).

“Ita hotu hatene katak, ohin, loron mundíal ba labarik sira-nian, normálmebte ita iha atividade lubuk ida maibé ita la hala’o atividade. Tanba, liga ho pandemia COVID-19 nian no mós Estadu Emerjénsia, ita kuaze labale halo atividade iha liur ne’ebé mak halibur ema barak, tanba ne’e mak ita foti inisiativa hodi halo vizita ida ba Hspitál Nasionál Guido Valadares, maibé foka liubá labarik ne’ebé mak moras,” dehan Dinorah Granadeiro ba jornalista sira iha HNGV, segunda ne’e.

Vizita ida-ne’e, nia dehan, hanesan apoiu morál ba labarik sira atu nune’e sira iha karajén hodi luta kontra moras. Aleinde ida ne’e, nia dehan, fó korajén ba inan-aman sira atu oinsá mak bele proteje sira-nia oan sira bainhira depois sira rekopera ka alta hosi ospitál ona.

Nia hatutan, KNDL laiha atividade ida iha situasaun COVID-19 nian maibé atividade ida mak orsida lorkraik KNDL ho MSSI sei halo vizita ida ba Sentru Formasaun Juventude iha Dili hodi apoiu aihan ba sira.

“Ita iha lorokraik ne’e nafatin ho Vise Ministra Soldaridade Sosiál no Inkluzaun (MSSI), Signi Chandrawati Verdial ne’ebé mak halo vizita ba Sentru Formasaun Juventude ne’ebé mak halibur labarik sira ne’ebé mak hanesan anak jalanan (cianças de rua) no balu ne’ebé mak família abondona nia oan sira hodi ita fó apoiu aihan ba sira,” nia adianta.

Tuir nia, aban-banirua no baintolu, KNDL mós sei halo vizita ida ba orfonatu ida iha Munisípiu Aileu, orfonatu ida iha Welaluhu (Same) no Uma Mahon Salele iha Suai Covalima.

“Ida ne’e hanesan parte selebrasaun nian hodi anima no fó apoiu morál ba labarik sira iha ne’ebá, nune’e sira labele sente katak sira-nia loron maibé laiha buta ruma ne’ebé mak sira sente iha sira-nia loron selebrasaun mundíal ida ne’e. Iha situasaun emerjénsia ne’e surtu COVID-19 Governu no Estadu nafatin tau atensaun ba sira tanba ida-ne’e mak sira presiza iha situasaun ida agora ne’e,” nia dehan.

Notísia Relevante: Governu Sei Submete Fali Proposta Lei Protesaun Labarik Ba MAPK

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here