Estudante Eskola Sekundária Katólika Nossa Senhora de Fátima (NOSSEF) Railaco halo limpeza iha jardín. Imajen Tatoli/António Gonçalves

DILI, 01 juñu 2020 (TATOLI)-Maski Governu liuhosi Ministériu Edukasaun Juventude no Desportu fó sai ona ba Dirijente, Koordenadór, estudante husi eskola públiku no privada sira atu hahú halo limpeza jerál hodi hamoos sala aprendijazen no areadóres eskola idaidak iha segunda (01/06/2020), maibé eskola barak seidauk implementa pedidu ne’e.

Tuir observasaun Jornalista TATOLI, iha Kapitá Dili nota Eskola Privada no públiku sira hanesan Eskola Cristal Balide, Eskola Saõ José Operáriu Balide, EBF Faról, EBS no ES 10 de Dezembru Comoro, Eskola Paulo VI, EB númeru 1 núlaran.

Notísia Relevante :Governu Husu ba Eskola Sira Hahú Halo Limpeza Jerál

Maski nune’e, iha Eskola Sekundáriu Nicolau Lobato, Eskola São Miguel Arcanjo, Eskola Ensinu Báziku Jeral 30 de Agostu Comoro, Eskola Báziku Filiál Metiaut, Eskola Báziku Sentrál Akadiru-hun, Eskola Ensinu Báziku Filiál Aidak Bihare, Eskola Ensinu Sekundáriu 4 Setembru UNAMET Balide, segunda ne’e halo ona  limpeza jerál.

Vise Diretór Eskola Sekundáriu Cristal, Bernardo de Araújo, hateten nia parte seidauk implementa atividade limpeza jerál ne’e tanba sei hein hela desizaun husi Fundasaun.

“Ami sei halo koordenasaun ho Fundasaun depois sira sei halo kontaktu ho Ministériu da Saúde atu esplika maneira saida mak eskola sira atu utiliza iha atividade limpeza ne’e no mós regra distansiamentu sosiál no fizíku,”tenik tan.

Iha sorin seluk,  Diretór Ensinu Sekundáriu 4 Setembru UNAMET Balide Dili, Sergio da Cru, hateten sira nia parte hala’o ona limpeza jerál maski la-hetan partisipasaun másimu husi estudante sira.

Eskola Públika ne’e sei uza osa konsensaun eskolár fulan tolu nian hamutuk pruvolta $ 3.000-resin hodi sosa ekipamentu ba prevensaun COVID-19.

Limpeza jerál ne’e parte ida atu halo preparasaun ba planu re-ativa prosesu aprendijazen ba estudante sira iha tempu badak

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here