Jovens sira Husi Lahane Osidental halo asaun karidade ba familia uma-kain 30.Imajen/Kontributor Joven Lahane

DILI, 01 juñu 2020 (TATOLI)-Joven sira husi Lahane Osidentál, iha segunda ohin(01/06/2020) fó ona apoiu nesesidade báziku ba família uma-kain 30 iha Suku Lahane Osidentál, Postu Administrativu Vera-Cruz, Munisípiu Dili.

Responsavel Joven Suku Lahane Osidentál, Jose Filipe de Jesus do Carmo, ba TATOLI via telefone segunda ne’e informa katak apoiu ne’e hodi priense nesesidade báziku família uma-kain 30 ne’e durante implementasaun estadu tanba menus ai-han.

”Ami halo asaun karidade ne’e tanba suporta husi joven Lahane Oan ne’ebé mak servisu iha rai li’ur hanesan Korea no seluk tan. No ami mós iha planu atu hala’o tan asaun karidade bá fatin seluk iha tempu badak nia laran,”dehan Nia.

Sasán nesesidade báziku ne’ebé maka sira distribui on aba kada família simu foos saka 20, supermi, mina litru 2, masin no seluk tan.

”Asaun karidade ne’e inisiativa husi ami Joven Lahane Osidentál ba uma-kain 30 iha Aldeia 10 ne’ebé pertense ba suku Lahane Osidentál mak Aldeia Paiól, Aldeia Koreu, Aldeia Belavista, Aldeia Gomes Araújo, Aldeia Mota ulun, Aldeia Rai ko’ak, Aldeia Aiteka laran, Aldeia Bedois, Aldeia Ainitas Hun, Aldeia Karee laran,” nia realsa liután.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here