Embaxadór Timor Leste ba kambodia Hermenegildo Kupa Lopes hasoru malu ho Primeiru Ministru Kambodia. Samdech Hun Sen.Imajen/Facebook

DILI, 30 maiu 2020 (TATOLI)-Primeiru-Ministru, Kambódia, Samdech Hun Sen, informa ona ba Embaixadór Timor-Leste iha Kambódia, Hermenegildo Lopez ‘Kupa’ katak sira-nia nasaun kontinua iha kompromisu polítika atu Esporta foos mai Timor-Leste.

Kupa hato’o asuntu ne’e tanba foinlalais ne’e, halo  ona enkontru kortéjia ida ho Primeiru-Ministru, samdech Hun Sen  iha Kambódia.

Notísia Relevante :Governu Sei Importa Foos Tonelada 30.000 Reforsa Stock Nasionál

“Kambódia prontu nafatin hodi esporta foos mai Timor-Leste hanesan foin lalais mosu surtu COVID-19 sira labele atu esporta foos ba nasaun li’ur maibé, Timor-Leste sira deside esporta nafatin,” katak Diplomata Timoroan ne’e ba TATOLI, via whatshapp,sábadu (30/05/2020).

Nia hatutan, nasaun ne’e mós propoin ba Timor-Leste atu servisu hamutuk iha área agrikultura atu Timor-Leste mós bele hatama ka esporta produtu agrícola hanesan Kafé ba Kambódia.

Notísia Relevante :Kambódia Disponivel Esporta Foos Mai Timor-Leste

“Sira mós hakarak servisu hamutuk ho ita hodi kapasita rekursu umanu tanba sira hakarak ita-nia ema bele ba aprende atu oinsá bele hasa’e kapasidade hodi dezenvolve turizmu iha ita-nia nasaun,”nia dehan tan.

Jornalista : Hortencio Sanchez

Editór      : Agapito dos Santos

HAKEREK NO HATÁN

Please enter your comment!
Please enter your name here