DILI, 29 maiu 2020 (TATOLI)-Vise Ministru Edukasaun Juventude no Desportu, João Zacarias Freitas Soares,informa oras ne’e fó ona orientasaun ba kargu Xefia husi Instituisaun Estadu ne’e atu hahú prepara proposta kona-ba planu orsamentu ba tinan 2020 no 2021.

“Ami simu informasaun husi Ministériu Finansa husu atu halo ona planu preparasaun OJE 2020-2021 nian, maibé ami sei prepara de’it mak OJE 2021 nian tanba 2020 ami iha hela,” dehan Nia ba TATOLI, iha ninia servisu fatin Vila-Verde, sesta (29/05/2020).

Maski antes ne’e nia parte prepara ona proposta OJE 2020 nian, maibé Governante ne’e la esplika detaillu montante orsamentu hira maka instituisaun ne’e sei propoin ba Parlamentu Nasionál hodi ezekuta iha tinan ida ne’e.

Nia adianta sira-nia proposta ne’e sei responde problema iha área edukasaun nian.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here