Ministru Finansa ,Fernando Hanjam. Imajen/Antonio Goncalves.

DILI, 29 maiu 2020 (TATOLI)–Ministru Finansa, Fernando Hanjam hateten, iha segunda semana oin, nia sei hahú hala’o servisu hodi foka liu ba asuntu Estadu Emerjénsia.

Hanjam hato’o lia hirak ne’e, hafoin simu pose hosi Prezidente Repúblika (PR), Francisco Guterres “Lú Olo”, iha Palásiu Prezidensiál Nicolau Lobato, Bairru Pité, Dili.

Tuir nia, servisu ne’ebé mak sei hala’o iha semana oin mak hanesan buka oinsá responde situasaun atuál nu’udár planu prioridade no importante liu.

“Ha’u hanoin, buat ne’ebé importante liu iha servisu dahuluk mak responde situasaun emerjénsia, tanba ema hotu-hotu hatene ho situasaun surtu COVID-19 no akontensimentu dezastre naturál,” Fernando Hanjam hateten.

Kona-ba preparasaun Orsamentu Jerál Estadu ba tinan 2020, nia hatán, segunda semana oin hahú tama servisu no sei konsulta ho estrutura hotu atu bele responde kualkér situasaun.

Hanesan timoroan, Hanjam sente kontente tebe-tebes tanba hetan konfiansa hodi lidera Ministériu Finansa VIII Governu Konstitusionál.

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here