Ministru Administrasaun Estatál (MAE), Miguel Pereira de Carvalho. Imajen/Egas Cristovão

DILI, 29 maiu 2020 (TATOLI)–Ministru Administrasaun Estatál (MAE), Miguel Pereira de Carvalho, sente onradu tebes ho konfiansa ne’ebé nia hetan hosi Primeiru-Ministru Taur Matan Ruak hodi lidera MAE iha VIII Governu Konstitusionál.

“Ha’u sente onradu tebe-tebes tanba hetan konfiansa atu hola parte iha governu ida-ne’e, hodi ezerse no ezekuta programa oitavu Governu Konstitusionál nian ne’ebé relasionadu ho servisu administrasaun Estatál nian,” dehan Miguel Pereira de Carvalho ba jornalista sira hafoin simu pose iha Palásiu Prezidensiál Nicolau Lobato, Bairru Pité, Dili, sesta ne’e.

Nia komprometidu sei servisu hamutuk ho ema hotu iha Ministériu ne’e hosi nível nasionál, munisipál, postu, suku no aldeia atu bele implementa atribuisaun misaun ministériu nian ne’ebé hatuur ona iha lei orgánika VIII Governu Konstitusionál.

“Servisu ne’ebé ha’u sei halo mak hala’o funsaun sira ne’ebé hatuur ona iha programa VIII Governu konstitusionál ne’ebé aprova iha Parlamentu Nasionál no programa balun hosi Ministériu Administrasaun Estatál,” nia dehan.

Kona-ba pagamentu subsídiu iha territóriu Timor-Leste, ba estadu emerjénsia, nia parte hare katak, nivel suku hala’o ona sira-nia servisu atu hetan dadus to’o iha nível nasionál.

Jornalista : Cipriano Colo

Editór       : Cancio Ximenes

HAKEREK NO HATÁN

Please enter your comment!
Please enter your name here