Ilustrasaun kona-ba Infesaun vias respiratória ho pneumonia

DILI, 28 maiu 2020 (TATOLI)-Xefe Sentru Saúde Metinaro, Alexandre Martins Casmiro, informa durante fulan haat komesa janeiru to’o abríl 2020, nia parte rejista moras oin tolu hanesan moras infesaun vias respiratóriu ka ISPA, diarea no moras kulit maka afeta maka’as ba populasaun.

Iha fulan-janeiru totál pasiente ISPA hamutuk 251, diarea 69, moras kulit iha pasiente na’in 70. Iha fulan-fevereiru, pasiente ispa sa’e ba 424, diarea 92, moras kulit 116.

No iha fulan-marsu pasiente ispa 403, diarea 49, moras kulit 88. Enkuantu iha fulan-abríl ispa, númeru pasiente ho kazu ispa menus ona ba 178, diarea 20 no moras kulit 26.

Kona-ba kazu pasiente ho moras dengue, nia haktuir tan katak durante fulan-janeiru to’o abríl la rejista pasiente ho moras refere maka halo tratamentu saúde iha fatin ne’ebá.

Maibé foin rejistu kazu ne’e iha fulan-maiu ne’ebé afeta ba labarik kiik ho tinan lima.

“Ami iha kazu ida ho labarik tinan lima, kondisaun grave maibé inan aman lalori mai iha Sentru Saúde Metinaro no lori ba Ospitál Nasionál Guido Valadares depois la konsege salva nia vida,”dehan nia ba TATOLI, via telefone, kinta (28/05/2020).

Sentru Saúde Metinaro iha iha profisionál saúde hamutuk ema na’in 33, kompostu husi doutór, médiku, parteira, infermeira,infermeiru, motorista, administrasaun no seluk tan.

Jornalisa : Felicidade Ximenes

Editór     : Agapito dos Santos

HAKEREK NO HATÁN

Please enter your comment!
Please enter your name here