Ministra Edukasaun, Juventude no Desportu Dulce de Jesus Soares. Imajen/António Gonçalves.

DILI, 28 maiu 2020 (TATOLI)-Ministra Edukasaun Juventude no Desportu, Dulce de Jesus Soares, hateten nia parte sei presiza tan autorizasaun husi Sentru Integradu Jestaun Krize (CIGC-sigla portugés) hodi re-abertura prosesu aprendijazen ba estudante husi nivél Pre-Eskolár to’o Ensinu Sekundáriu iha Timor-Leste.

“Ami prepara ona padraun balun atu responde prosesu re-abertura ba eskola sira iha fulan juñu,  ami hetan ona autorizasaun husi parte Ministériu Saúde no agora ami mós hein tan autorizasaun husi Sentru Integradu Jestaun Krize molok re-abertura,” katak Dulce de Jesus Soares, ba TATOLI, iha ninia servisu fatin, kinta (28/05/2020).

Notísia Relevante :Ministra Dulce Kontinua Servisu To’o Subtituisaun Foun

Bainhira CIGC fó ona autorizasaun ba Ministériu maka sei halo kedas públikasaun ba públiku kona-ba data re-abertura prosesu aprendijazen ba estudante sira iha territóriu Timor-Leste.

“Dekretu Estadu Emerjénsia ne’e importante tebes ba ita atu bele haree oinsá bele elabora hodi nune’e ita bele hateten katak kada eskola ida prienxe duni kritériu atu bele re-abertura prosesu aprendijazen,”tenik Governante.

Jornalista   : Tomé Amado

Editór         : Agapito dos Santos

HAKEREK NO HATÁN

Please enter your comment!
Please enter your name here