Ministra Edukasaun, Juventude no Desportu (MEJD), Dulce de Jesus Soares Hamutuk ho Estudante Eskola Ensinu Pre-Eskolar 12 Outubro Tasi Tolu. Imajen/Tatoli

DILI, 28 maiu 2020 (TATOLI)-Governu liuhosi Ministériu Edukasaun Juventude no Desportu (MEJD) daudauk ne’e laiha orsamentu ne’ebé maka prevee ona hodi sosa ekipamentu protesaun surtu coronavirus atu nune’e bele distribui ba estudante no profesór sira hodi prevene COVID-19.

“Ita hatene ami iha profesór sira kuaze rihun 400-resin no estudante rihun 300-resin. Ami laiha osan ne’ebé sufisiente atu sosa máskara tuir kritéria no rekomendasaun husi Sentru Integradu Jestaun Krize (CIGC-sigla portugés),” dehan, Ministra Edukasaun Juventude no Desportu, Dulce de Jesus Soares, ba TATOLI, iha ninia servisu fatin, kinta ne’e.

Notísia Relevante :Ministra Dulce Kontinua Servisu To’o Subtituisaun Foun

Maibé Governante dehan eskola idak-idak iha posibilidade atu instala tanki bee moos no tau sabaun hodi fasilita estudante no profesór sira atu fase liman durante prosesu aprendijazen la’o.

“Ha’u hakarak hateten katak kona ba máskara, ami seidauk bele kumpre hotu tanba presiza orsamentu boot,”afirma Dulce de Jesus Soares.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here