iklan

DILI, HEADLINE, KAPITÁL

Kompañia IKI BIA Unipesoal Hahú Konstrui Moru ba Estasaun Tratamentu Bee iha Bairru Pité

Kompañia IKI BIA Unipesoal Hahú Konstrui Moru ba Estasaun Tratamentu Bee iha Bairru Pité

Xefe Departementu Abastesimentu, Servisu Agua no Saneamentu (SAS), Francisco Xavier Pereira. Imajen/Osória A.Marques

DILI, 27 maiu 2020 (TATOLI)–Kompañia IKI BIA Unipesoal hahú hadi’a moru ba estasaun tratamentu bee iha Fatumeta, Bairru Pité nian nune’e bele asegura no proteje husi komunidade no animál.

Xefe Departamentu Abastesimentu Água Munisípiu Dili, Francisco Xavier Pereira, hateten Governu tenke troka moru ne’e tanba  moru kleur tiha ona (2002 to’o agora) no uluk tau de’it arame la’ós konstrusaun moru nune’e balun komesa ferujin ona.

“Ita truka moru ne’e tanba moru kleur tiha ona no uluk tau de’it arame la’ós konstrusaun moru nune’e balun komesa ferujin ona tanba kleur tiha komesa iha tinan 2002 to’o agora. Tanba ne’e, ita hanoin atu truka nune’e bele proteje husi komunidade sira ne’ebé mak hela besik iha área ne’ebá nomós iha animál ne’ebé husik iha fatin refere”, dehan Xefe Departamentu Abastesimentu Água Munisípiu Dili, Francisco Xavier Pereira  ba Ajénsia TATOLI iha nia knaar fatin, Caicoli, Dili, kuarta ne’e.

Xefe Abastesimentu subliña tan katak tempu ona atu Governu tau fali konstrusaun moru tanba estasaun tratamentu bee iha sentrál ne’e nia dezeñu ne’ebé momentu Japaun sira halo ne’e bele trata bee iha litru 75 pur segundu (75 liter/detik) hatudu katak iha kapasidade atu bele trata bee.

“Tanba ne’e, ita presiza no tempu ona atu ita hadi’a ka tau moru ne’ebé metin nune’e bele trata bee hodi distribui bee-moos ba konsumidór sira iha teritóriu Dili,” nia informa.

Nia informa, montante osan ne’ebé hodi trata ba konstrusaun moru estasaun tratamentu bee nian hamutuk $197.127,5 no durasaun servisu fulan neen.

Jornalista : Osória Marques

Editór     : Cancio Ximenes

iklan
iklan

Leave a Reply

iklan
error: Content is protected !!