Vise Ministru Edukasaun Juventude no Desportu, João Zacarias.

DILI, 27 maiu 2020 (TATOLI)-Governu liuhosi Vise Ministru Edukasaun Juventude no Desportu, João Zacarias Freitas Soares, husu ba estudante Pre-Eskolár to’o Sekundáriu atu kontinua akompaña programa eskola ba uma hodi hein desizaun governu nian atu re-ativa prosesu aprendijazen.

Nia dehan durante reuniaun Konsellu Ministru kuarta ohin, Ministru sira la diskute kona-ba asuntu ne’e maibé konsentra liuba estensaun estadu emerjénsia no planu tomada pose ba membru governu foun sira.

“Parese fulan-Juñu mós prosesu aprendijazen ba estudante sira seidauk bele funsiona tanba ita-nia Primeiru-Ministru hakarak haree filafali implementasaun servisu Gabineti Sentru Integradu Jestaun Krize nian kona-ba atendementu COVID-19 iha fulan rua liuba,” dehan, Governante ba TATOLI, iha Palasiu Governu kuarta ne’e.

Ho nune’e maka nia apela ba estudante sira atu aproveita programa eskola ba uma hodi estuda materia sira ne’ebé maka fó sai liuhusi Kanál RTTL,ep, GMN-TV, TVE no seluk tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here