Embaixadór Xina iha Timor-Leste, Xiao Jianguo dada lia ho Ministru Negósiu Estranjeiru no Kooperasaun, Dionísio da Costa Babo Soares. Imajen Tatoli/António Gonçlaves

DILI, 26 maiu 2020 (TATOLI) – Ministru Negósiu Estrajeiru Kooperasaun, Dionísio da Costa Babo Soares, informa, Governu Xina sei fó tan apoiu materiál protesaun no prevensau COVID-19 ba dahaat, ba Governu Timor-Leste iha fulan-Juñu nia-laran.

“Ba dahuluk Governu Xina apoiu ita kona-ba ekipamentu sukat temperatura ema nian, ne’ebé bain-bain uza iha aeroportu sira no ajudu daruak maka foin daudaun ita simu tiha no sira kompremetidu sei fó tan apoiu ba dahaat iha fulan-juñu. Governu Xina sei fó apoiu lubuk ba ita hodi halo prevensaun no kombate  moras COVID-19 nian no agora daudaun iha dalan hela”, dehan Ministru Dionísio iha seremónia entrega ekipamentu doasaun husi Governu Xina, iha Sala VIP Aeroportu Internasionál Prezidente Nicolau Lobato, Comoro, tersa ne’e.

Notísia Relevante: Governu Timor-Leste Agradese Doasaun Husi Jack Ma no Ali Baba Foundation

Alende ne’e, Governate ne’e adianta, eis Prezidente Repúblika, José Ramos sei esfosu hodi husu apoiu ba nia maluk ulun bo’ot nasaun sira.

“Ha’u espera katak ita-nia Maun Horta mós bele halo kontaktu ho ninia kolega sira iha rai-li’ur atubele ajuda ita, liuliu apoiu materiál prevensaun no kombate COVID-19 nian“, nia subliña.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here