Advogada ba labarik no foin-sa’e iha Timor-Leste, Maria Vitoria. Imajen António Gonçalves

DILI, 26 maiu 2020 (TATOLI) – Maria Vitoria ka Marvi sei partisipa konsertu diretu ho naran “One Love Asia” ne’ebé sei transmite liuhosi WebTV Asia no YouTube iha loron aban, (27/5/2020) tuku 21.00 otl no tuku 20.00 oras Hongkong nian.

One Love Asia.

Tuir nota komunikadu ne’ebé TATOLI simu, ohin hosi mídia Fundu Nasaun Unida ba labarik (UNICEF, sigla inglés) iha Dili haktuir, konsertu ne’ebé sei hala’o durante oras haat nia laran, sei anima hosi embaixadór ba Azia no Pasifíka mak hanesan; Choi Siwon, Exile Akira, Karen Mok, Apink Jung Eun-Ji, Namewee, G.E.M., Chi Pu, Sam Tsui, Ranz & Niana, Davika Hoorne, Jack Neo, Morissette, Boy William, Ice Paris, Pearwah, Christian Bautista, Baim Wong, Raditya Dika, Ismail Izzani, Quang Dang, DatG & DuUyen, Erik, Inul Daratista, Celine Tam, Priscilla Abby and HaoRen.

Atividade ne’e hetan suporta hosi UNICEF hodi prevene pandemia Covid 19 ba labarik sira ne’ebé konsidera vulneravel tebes.

Diretór ezekutivu WebTVAsia, Fred Chong, hatete konsertu ne’e nu’udar inisiativa hosi komunidade aziatika hodi diverte no mós meiu ida hodi haktuir mensajen domin no unidade.

Nune’e mós, diretór administrativu Youtube APAC, Gautam Anan, hatutan: “Ami antusiazmu apoia WebTVAsia no UNICEF hodi realiza konsertu ne’ebé espesiál tebes ba públiku YouTube iha APAC no mundu tomak. One Love Asia koloka ami-nian kompromisu hodi defende talenta no oferese ba sira plataforma para partilla sira-nian kreatividade ne’ebé bele fó impaktu pozitivu ba mundu”.

Diretora Rejionál UNICEF ba Azia Lorosa’e no Pasifiku, Karin Hulshof, hatete: UNICEF kontente hodi hala’o konsertu One Love Asia! Hamutuk atu kria konsénsia ida ne’ebé boot konaba UNICEF ninian servisu ba labarik no família, nune’e sira bele rekopera, rekopera hodi hanoin fila-fali futuru ne’ebé forte”.

Diretór Ezekutivu WebTVAsia, Fred Chong, hatete komunidade hosi nasaun Aziatika sira sofre ho pandemia ne’e, tanba ne’e mosu resposta ne’ebé di’ak tebes hosi artista sira no YouTube hodi apoia programa UNICEF Azia ne’ebé espesiál tebes. Konsertu One Love Asia parte ida hosi kampaña Globál #Reimagine UNICEF hodi rekomenda ba komunidade globál hosi #Reimagine ba mundu ida di’ak ba labarik sira depois Covid-19. Transmisaun direta sei akontese iha kanál www.youtube.com/c/oneloveasia. Informasaun klaru liu vizita www.onelove.asia. (ki)

HAKEREK NO HATÁN

Please enter your comment!
Please enter your name here