IOB

DILI, 26 maiu 2020 (TATOLI)-Instituto Of Bussines (IOB), iha ona planu sei halo graduasaun ba estudante finalista hamutuk ema na’in 356, nivél lisensiatura (S1) iha fulan-juñu 2020.

Reitór IOB, Augosto da Conceição Soares, informa estudante finalista hirak ne’e kompostu husi fakuldade ekonomia negósiu, fakuldade otelaria, fakuldade informasaun komunikasaun teknólojia.

Maski nune’e, nia dehan data graduasaun sei hein despaisu husi Ministériu Ensinu Superiór Siénsia no Kultura (MESSK).

“Ami nia proposta kona-ba graduasaun ne’e ami hatama antes estadu emerjénsia agora ami hein de’it despaisu husi Ministru atu nune’e ami bele realiza serimonia graduasaun ne’e iha fulan oin,”dehan, Reitór IOB ne’e ba TATOLI, via telefone, tersa (26/05/2020).

Tanba ne’e, atuál Prezidente Klibur Instituisaun Superiór Privada Timor-Leste (KIESP-TL) ne’e husu ba Governu hodi fó ona resposta ba IOB hodi halo preparasaun.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here