Komisáriu CAC, Sergio Hornai. Imajen/António Gonçalves.

DILI, 26 maiu 2020 (TATOLI) – Durante tinan 2019, Komisaun Anti Korrupsaun (CAC-sigla portugés) rejista kazu indikasaun krime korrupsaun hamutuk 73.

CAC finaliza ona prosesu investigasaun ba kazu indikasaun  krime korrupsaun 73 ne’e no haruka ona relatóriu ba Ministériu Públiku.

Liuhusi audiénsia ho Parlamentu Nasional (PN), tersa (26/05/2020), Komisáriu CAC, Sergio Hornai, informa, husi total kazu 73 ne’e, iha kazu  60 mak CAC simu delegasaun kompeténsia husi Ministériu Públiku hodi halo prosesu investigasaun no kazu 13 seluk CAC Simu keixa husi instituisaun estadu sira seluk.

Komisáriu CAC Sergio Hornai, esklarese,  kazu 17 naka ekipa investigadór sira kontinua halo investigasaun hodi hetan nia verasidade, tanba krime ne’e iha nia kumplisidade.

Tuir relatóriu CAC nian ne’e katak, tipu kazu ne’ebé rejista mak hanesan pekulatu, pekulatu ba  uzu, tráfiku influensia, abuzu podér, enrekesimentu ilísitu, partisipasaun ekonomia no negósiu, administrasaun da noza, krime koneksu ho tipu korrupsaun ninian hanesan money laundry, droga, tráfiku umanu.

Komisáriu Sergio Hornai afirma katak, kazu sira-ne’e Komete husi ajente públiku sira husi instituisaun 10, kompostu husi Ministériu Interior, Ministériu Justisa, Ministériu Edukasaun, Polísia Nasionál Timor-Leste (PNTL) no seluk-tan.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here