Prezidente PN , Aniceto Longuinhos Guterres Lopez. Imajen/Tatoli Egas Cristovao

DILI, 25 maiu 2020 (TATOLI)—Prezidente Parlamentu Nasionál (PPN), Aniceto Longuinhos Guterres Lopez, promete sei halo normalizasaun ba bankada parlamentár no relasaun polítika entre deputadu sira iha Bankada Parlamentár sira iha Parlamentu Nasionál.

“Ha’u promete tiha ona liuhosi reuniuan líder bankada. Ha’u dehan ha’u asume responsabilidade ida atu normaliza funsionamentu parlamentu, atu normaliza mós relasaun polítika entre deputadu sira, relasaun entre bankada parlamentár no normaliza entre deputadu sira ho funsionáriu parlamentu nian. Ha’u promete sei halo esforsu ida-ne’e,” dehan Aniceto Longuinhos Guterres Lopez ba jornalista sira iha resintu Parlamentu Nasionál, segunda ne’e.

Maibé,Prezidente Parlamentu Nasionál hateten, ida-ne’e depende ba vontade bankada parlamentár no deputadu idak-idak nian.

Iha parte seluk, PPN hateten Timor-Leste iha nesesidade hala’o diálogu hodi hakotu inserteza polítiku.

“Ha’u nu’udar Prezidente Parlamentu Nasionál, hakarak hatete ita iha nesesidade urjentemente líder sira tenke hasoru malu maibé ne’e dala-ida tán líder balun laiha vontade para atu halo diálogu ka tuur hamutuk hodi buka solusaun ba problema nasaun nian, assim tambem atu rezolve impase ne’e,” nia hateten.

Notísia Relevante: Aniceto Guterres Deside Adia Eleisaun Ba Sekretáriu no Vise-Sekretáriu

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here