DILI, 25 maiu 2020 (TATOLI) – Tuir dadus ne’ebé fó sai husi Sala Situasaun, Sentru Integradu Jestaun Krize (CIGC, sigla portugés), iha segunda ne’e, totál komulativu rezultadu negativu husi teste laboratóriu sa’e ba 1.500 kompara ho loron-rua liubá, sábadu (23/05) ho totál 1.460.

Enkuantu, ema ne’ebé sei hein rezultadu laboratóriu ba ohin ho númeru tun hamutuk 31, kompara ho loron-rua liubá ho totál 60.

Entretantu, totál ema ne’ebé tuir ona teste laboratóriu to’o ohin loron hamutuk 1.555.

Hafoin Timor-Leste rejista kazu pozitivu COVID-19 dahuluk iha 21 marsu 2020, kazu ikus liu rejista iha 24 abríl ho totál konfirmadu na’in-24 no provável na’in-haat.

Nune’e, iha loron 15 maiu, liuhosi Sala Situasaun, CIGC deklara pasiente konfirmadu no provável rekuperadu hotu ona no to’o ohin loron seidauk rejista kazu konfirmadu foun.

Totál ema ne’ebé pasa ona konfinamentu obrigatóriu durante loron-14 hafoin halo viajen husi nasaun afetadu COVID-19 hamutuk 2.303, kompostu husi na’in-1.802 iha fasilidade Governu iha Dili enkuantu seluk iha munisípiu.

Daudaun ne’e, ema ne’ebé sei iha konfinamentu obrigatóriu hamutuk 74, enkuantu auto-kuarentena hamutuk 30.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here