Majór Jenerál F-FDTL, Lere Anan Timur ho Komandante Jerál PNTL, Komisáriu Faustino da Costa. Imajen/Xisto Freitas

DILI, 23 maiu 2020 (TATOLI) – Prezidente Partidu Congresso Naçional de Recontrução de Timor-Leste (CNRT), Kay Rala Xanana Gusmão, apresia no louva ho maturidade serbisu Xefe Estadu Maiór Jenerál Lere Anan Timor no Komandante Jerál PNTL, Komisáriu Faustino da Costa, ne’ebé hatudu sira-nia serbisu ho neutru durante situasaun impase polítika iha Timor-Leste.

Prezidente Partidu CNRT, Kay Rala Xanana Gusmão. Imajen/Eugénio Pereira

“Ha’u agradese tebe-tebes ba forsa sira, ba Jenerál Lere Anan Timur, ha’u sente katak nia mós akompaña hela, tanba forsa sira neutrál, tenkesér nune’e, problema polítika, maibé forsa sira mantein neutrál no polísia mak ita rona sira rona orden barak, mais husu ba polísia mós tenke neutral,”  hateten Xanana Gusmão, liuhusi konferénsia imprensa iha sede nasionál partidu CNRT, Bairru Grillos, Dili, sábadu (23/05/2020).

Xanana dehan, iha situasaun polítika rai-laran presiza liu maka responsabilidade no neutralidade forsa-rua nian hodi garante pás no estabilidade iha rai-laran.

Parte seluk, Xanana apela ba militante partidu CNRT sira kontinua koopera ho autoridade seguransa hodi mantein pás no kontribui ba dezenvolvimentu iha Timor-Leste.

Jornalista     : Eugénio Pereira 

Editór            : Francisco Simões

HAKEREK NO HATÁN

Please enter your comment!
Please enter your name here