Despaxu TR ne’ebé fó sai iha loron 22 maiu 2020.

DILI, 23 maiu 2020 (TATOLI) – Prezidente Tribunál Rekursu (TR), Deolindo dos Santos, liuhusi nia despaxu  ne’ebé fó sai iha loron 22 maiu 2020, solisita ba Parlamentu Nasionál atu informa oras ho loloos (a hora exata) kona-ba destituisaun ba Prezidente Parlamentu Nasionál (PPN) Arão Noé de Jesus Amaral, hodi nune’e, TR halo apresiasaun ba pedidu fiskalizasaun tuir artigu  rejimentu Parlamentár nian.

Notísia Relevante : Arão Noé Sei Hato’o Rekursu Ba Tribunál Rekursu

Despaxu TR ne’ebé fó sai iha loron 22 maiu 2020.

“Solisita ba Parlamentu Nasionál  atu informa oras ho loloos (a hora exata), ne’ebé iha loron 19  maiu 2020, hafoin konklui votasaun ba destituisaun Deputadu  Arão Noé de Jesus Amaral, husi  kargu Prezidente Parlamentu Nasionál,” refere despaxu  husi TR ne’ebé Tatoli asesu, sábadu (23/05/2020).

Tuir despaxu Tribunál Rekursu nian ba pedidu fiskalizasaun konstitusionalidade  no Rejimentu Parlamentu Nasionál parte rekerente Arão Noé de Jesus Amaral, hatama ba TR iha loron 19 maiu 2020 iha tuku 16:35 Otl. Ho nune’e, nesesáriu buka hatene rekerente  nafatin PPN ka lae hafoin aprezenta pedidu rekerimentu ba TR.

“Hanesan ita hatene, iha loron 19 maiu 2020, Parlamentu Nasionál halo votasaun ba destituisaun, deputadu Arão Noé de Jesus Amaral husi kargu PPN,” refere Tribunál Rekursu nia dokumentu ne’e.

Iha dokumentu ne’e mós refere tuir artigu 16 númeru 4  iha rejimentu Parlamentu Nasionál, destituisaun  Arão Noé de Jesus Amaral, prodús imediatu efeitu hafoin momentu konklui prosesu votasaun.

Notísia Relevante : CNRT Konsidera Rekerimentu Bankada Tolu Laiha Razaun Destitui Arão Noé

Jornalista   : Nelson de Sousa

Editór        : Francisco Belo Simões

HAKEREK NO HATÁN

Please enter your comment!
Please enter your name here