Reitór UNPAZ eleitu, Adolmando Soares Amaral. Foto TATOLI/Tomé Amado

DILI, 22 maiu 2020 (TATOLI)-Reitór Universidade da Páz (UNPAZ), Adolmando Amaral husu ba Governnu Konstitusionál daualu ne’ebé lideradu husi Primeiru-Ministru Taur Matan Ruak atu la estende tan ona polítika implementasaun Estadu Emerjénsia iha Timor-Leste.

Reitór Universidade privada ne’e observa katak desizaun Governu hodi implementa estadu emerjénsia durante fulan-rua ne’e afeta ba prosesu aprendijazen estudante sira nian.

“Ha’u husu ona ba Ministru Ensinu Superiór Siénsia no Kultura (MESSK) se bele karik lalika tan ona dada estadu emerjénsia ne’e atu estudante sira bele mai tuir fali atividade aprendijazen normal iha kampus,” katak nia ba TATOLI, iha ninia servisu fatin UNPAZ Dili, sesta ne’e.

Tanba tuir relatóriu UNPAZ nian rejistu estudante maioria hela iha área rural la partisipa iha prosesu aprendijazen uza sistema online.

“Husik ami hala’o prosesu aprendijazen normal maibé ami kontinua kumpre ba regra distánsia sosiál no distánsia fiziku,”nia reforsa liután.

Jornalista : Tomé Amado

Editór      : Agapito dos Santos

HAKEREK NO HATÁN

Please enter your comment!
Please enter your name here