Ambulánsia. Imajen: Google

DILI, 22 maiu 2020 (TATOLI)-Ministru Saúde en ezersísiu, Bonifácio Maucoli dos Reis, informa Ministériu Saúde iha tempu badak sei sosa ambulansia multi-funsaun hamutuk 18 ho orsamentu rihun $ 900 hodi atende kazu surtu COVID-19.

Governante ne’e esplika orsamentu hodi sosa karreta ne’e maihosi fundu COVID-19 millaun $ 58.099.250 ne’ebé maka Governu aprova no oras ne’e aloka ona ba Ministériu Saúde.

Tanba ne’e maka Ministériu uja rihun $ 900 hodi sosa ambulansia multi-funsaun hodi koloka ba Munisípiu 12 inklui Rejiaun Autónomu Espesiál Oé-Cusse Ambeno (RAEOA).

“Ambulansia ne’ebé ita sosa ne’e ba COVID-19 nian maibé ita utiliza ba tempu naruk entaun ambulansia sira ne’e ita koloka ba Munisípiu 12 inklui RAEOA,” dehan Governante ba TATOLI, iha edifísiu Ministériu Finansa, Ai-Tarak-Laran Dili, kinta (21/05/2020).

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here