Karreta Prado Parlamentu Nasionál. Imajen/Espesiál

DILI, 22 maiu (TATOLI)—Deputadu Aniceto Guterres seidauk uza karreta Prezidente Parlamentu Nasionál (PPN) tanba karreta hotu-hotu ne’ebe deputadu sira uza laiha diferensa.

Maski Eis Prezidente Parlamentu Nasionál, Arão Noé de Jesus da Costa Amaral, entrega ona karreta PPN ne’ebé oras ne’e rai iha rezidénsia, Farol, maibé Aniceto Guterres perfere liu utiliza karreta baibain ne’ebé durante ne’e nia uza hodi hala’o knaar.

“Ha’u-nia karreta deputadu nian mak ne’e. Uluk, ha’u sei Prezidente IV Lejilzatura, ha’u uza ha’u-nia karreta ida-ne’e. Buat (karreta PPN) besi-tua boot ne’e. Parese, ha’u-nian (karreta deputadu) ne’e di’ak liu,” dehan Prezidente Parlamentu Nasionál, Aniceto Guterres, ba jornalista sira iha resintu Parlamentu Nasionál, sesta ne’e.

Imajen Tatoli/Evaristo Soares Martins.

Prezidente Parlamentu Nasionál ne’e kontinua uza karreta ho xapa-matríkula A.15.925 hodi hala’o serbisu loro-loron nian hodi serbi povu.

Ohin, Prezidente Parlamentu Nasionál ne’e halo observasaun direta ba funsionamentu eskritóriu iha iha Parlamentu Nasionál, hahú hosi sala plenária, sala konferénsia, kafetaria ba deputadu sira no gabinete prezidente nian.

“Ha’u observa mós estragus ba meza prezidénsia nian no sistema Sonora (nyaring) ne’e importante tanba falla. Ha’u hakarak hadi’a meza iha rahun ne’e depois hatuur fali hodi halo rituál tuir tradisaun Timor nian”, katak nia.

Nia dehan, maski to’o oras ne’e serimónia rituál refere seidauk akontese maibé funsionamentu parlamentu tenke kontinua funsiona.

“Se reprezentante Governu nian iha plenária segunda no tersa-feira, Governu sei tuur iha meza ketak ida,” nia dehan.

Jornalista : Evaristo Soares Martins

Editór        : Cancio Ximenes

HAKEREK NO HATÁN

Please enter your comment!
Please enter your name here