Primeiru-Ministru, Taur Matan Ruak. Imajen Tatoli/ Egas Cristovão

DILI, 21 maiu 2020 (TATOLI)–Primeiru Ministru (PM), Taur Matan Ruak hateten, Prezidente Repúblika mak sei deside data ba pose membru Governu sira ne’ebé antes ne’e aprezenta ona  naran ba Prezidente Repúblika

“Kalendáriu ne’e, Prezidente Repúblika mak estabelese. Ami, governu disponível kualkér oras, de’it”, dehan Primeiru-Ministru, Taur Matan Ruak, ba jornalista sira hafoin hala’o enkontru semanál ho Prezidente Repúblika iha Palásiu Prezidensiál Nicolau Lobato, Bairru Pité,Dili.

Kona-ba Governu iha intensaun atu hasai membru governu sira hosi CNRT, hanesan xefe governu hateten, em prinsípiu la’e maibé iha tomada de pose mak sei haree.

“Maibé iha tomada de pose mak ita-boot sira sei haree, sé mak sai no sé mak hela. Servisu oinsá, ne’e informasaun ba públiku sei iha,” nia hateten tan.

Durante enkontru ho Prezidente Repúblika, Taur Matan Ruak mós informa, situasaun seguransa di’ak, apezar iha problema ki’ikoan balun maibé restu ne’e buat hotu di’ak.

“Ita-nia rain siguransa diak duni,” PM Taur hateten.

Alenide ne’e, PM informa mós ba Prezidente Repúblika katak, orsida lorokraik sei iha reuniaun Konsellu Ministru ne’ebé sei deside kona-ba kalendáriu orsamentál tinan 2020 no 2021.

Jornalista : Cipriano Colo

Editór     : Cancio Ximenes

HAKEREK NO HATÁN

Please enter your comment!
Please enter your name here