Prezeidente PN, Aniceto Longuinhos Guteres Lopez. Imajen /Egas Cristóvão

DILI, 21 maiu 2020 (TATOLI)—Parlamentu Nasionál (PN) seidauk simu komunikasaun hosi Governu kona-ba estensaun Estadu Emerjénsia tanba ne’e Parlamentu kontinua hein kualkér inisitiva hosi Governu.

Prezidente Parlamentu Nasionál, Aniceto Guterres, hateten to’o oras ne’e Parlamentu seidauk simu informasaun ruma kona-ba estende ka lae Estadu Emerjénsia ne’e.

“Posível estensaun Estadu Emerjénsia maibé agora ami seidauk simu komunikasaun hosi Governu ka relatóriu ruma kona-ba estende ka la estende Estadu Emerjénsia. Se estende, Prezidente Repúblika mak sei halo fali pedidu mai Parlamentu para fó autorizasaun hodi estende,” nia dehan ba jornalista sira, hafoin prezide reuniaun líder bankada Parlamentár, iha Parlamentu Nasionál, kinta ne’e.

Estensaun Estadu Emerjénsia ne’e hahú iha loron 28 abríl no termina iha loron 27 maiu 2020.

Prezidente Parlamentu Nasionál, Aniceto Guterres, hein de’it informasaun hosi Governu no pedidu hosi Prezidente Repúblika, Francisco Guterres ‘Lú Olo’.

Notísia Relevante: Aniceto Guterres Hahú Lidera Reuniaun Líder Bankada, PD Mós Partisipa

Jornalista : Evaristo Soares Martins

Editór        : Cancio Ximenes

HAKEREK NO HATÁN

Please enter your comment!
Please enter your name here