Imajen Espesiál.

DILI, 21 maiu 2020 (TATOLI)–Deputy Country Diretora KOICA Timor Leste, Hanul Park, hateten iha prevensaun hodi kombate surtu COVID-19 iha Timor-Leste, presiza jornalista sira ne’ebé mak servisu justu, iha responsabilidade no rápidu ba atividade kobertura iha terrenu.

“Durante iha prevensaun hodi kombate surtu COVID-19 iha Timor-Leste, ita presiza jornalista sira ne’ebé servisu justu, responsável no rápidu,” dehan Hanul Park iha ninia deskursu iha serimónia PNUD no KOICA entrega ekipamentu pervensaun COVID-19 ba AJTL iha Salauh konsellu Imprensa, Kintal Boot, Dili, kinta ne’e.

Diretora KOICA hatutan, iha tinan 2015, Organizasaun Mundiál Saùde (OMS) rekomenda katak evita mensiona espesífiku kultura, país no lokalizasaun, jeográfika mak depois bele hamosu espekulasaun estetimemtu, konflitu tauk no odiu.

“Nasaun tomak inklui ho TL, jornalista sira-nia knaar duni luta hasoru notísia hodi habelar informasaun ba públiku ho akurasia, sensivel no ho responsável. Nune’e, di’ak liu aproveita matadalan reportajén COVID-19 no ekipamentu protesaun ne’ebé simu. Ha’u espera katak mantein, forte no saúde di’ak,” nia esplika.

Entretantu, Reprezentante Programa Nasaun Unida ba Dezenvolvimentu (PNUD), Tuya Altangerel, hateten nia apresia ho Estadu TL liuhosi ninia konstituisaun hodi asegura liberdade imprensa no liberdade espresaun hodi metinliután iha TL.

“Ha’u apresia no urgullu tebes ho Estadu Timor Leste nian ne’ebé liuhosi ninia konstituisaun hodi asegura tebes tanba liberdade imprensa no liberdade espresaun bele metin liután iha TL,”  dehan reprezentante PNUD iha TL ne’e.

Nia dehan, ho jornalista sira nia dedikasaun mak bele serbí informasaun ne’ebé kredivél, balansu, responsável no bele kontribui direitamente informasaun ba públiku.

“Ha’u komprende katak iha períodu COVID-19, imi mós hanesan ema sente maibé imi-nia dedikasaun mak atu serbí ba públiku ho informasaun ne’ebé kredivél no balansu, responsável, kontribui diretamente ba públiku kona-ba medida prevensaun,” nia hateten.

Tuir nia, hein katak Asosiasaun Jornalista Timor-Leste (AJTL) ho nia jornalista sira hamutuk ho Konsellu Imprensa kontinua hala’o papél importante hodi garante liberdade imprensa no liberdade espresaun no demokrasia iha nasaun ne’e nian.

Aleinde ida ne’e, nia mós kongratula jornalista Timor-Leste tomak ne’ebé selebra loron Mundial Liberdade Imlorensa (Press Freeedom Day) ne’ebe monu iha loron 03 maiu no kongratula mós ba Konsellu Imprensa nia aniverasáriu iha loron 10 maiu foin lalais ne’e.

Notísia Relevante: Konsellu Imprensa Apresia ho AJTL Nia Inisiativa

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here