Xefe Bankada CNRT, Duarte Nunes. Imajen /Egas Cristóvão

DILI, 21 maiu 2020 (TATOLI)—Bankada Parlamentár Congresso Nacional da Reconstrução de Timor (CNRT) la partisipa reuniaun líder bankada lideradu Prezidente Parlamentu Nasionál, Aniceto Guterres, tanba sei hein desizaun hosi Tribunál Rekursu kona-ba legalidade eleisaun foin lalais ne’e.

Notísia Relevante: Aniceto Guterres Hahú Lidera Reuniaun Líder Bankada, PD Mós Partisipa

“Ami só (partisipa) depois de Tribunál Rekursu fó-sai desizaun ba ami-nia rekursu legál ka ilegál hafoin deside partisipa ka lae. Enkuantu ida-ne’e la sai, ami la partisipa,” dehan Xefe Bankada CNRT, Duarte Nunes, ba jornalista sira iha resintu Parlamentu Nasionál, kinta ne’e.

Nia afirma, bankada CNRT mantein prinsípiu sei la partisipa reuniaun líder bankada bainhira Tribunál Rekursu seidauk anunsia rekursu ne’ebé hatama ona iha loron tersa-feira (19 maiu 2020), foin lalais ne’e.

Deputadu Duarte Nunes fiar, Tribunál Rekursu sei hasai desizaun ne’ebé justu no loos ba eleisaun ba Prezidente Parlamentu Nasonál iha tersa-feira ne’e.

“Ha’u fiar sira sei halo tuir konsiénsia, imparsialidade, nune’e ita lori nasaun ne’e ba-oin. Ami lori ona ba tribunál, espera katak tribunál ko’alia. Se tribunál la ko’alia, ita hotu mak sei haree katak instituisaun ne’e kompleta ai-riin haat ne’e ka lae,” dehan Xefe Bankada CNRT ne’e.

Notísia Relevante: Arão Noé Sei Hato’o Rekursu Ba Tribunál Rekursu

Jornalista : Evaristo Soares Martins  

Editór       : Cancio Ximenes

HAKEREK NO HATÁN

Please enter your comment!
Please enter your name here