Prezidente Repúblika, Francisco Guterres Lú Olo. Imajen António Gonçalves

DILI, 20 maiu 2020 (TATOLI)–Prezidente Repúblika (PR), Francisco Guterres Lú Olo, konsidera prezensa surtu Coronavirus (COVID-19) iha Timor-Leste, loke povu nia matan hodi haree hetan kedan katak ukun na’in sira la tau atensaun didi’ak ba infraestrutura bázika.

“COVID-19 halo ita haree moos kedas sala husi ukun-nain sira kona-ba la tau atensaun di’ak ba infra-estrutura bázika. Ezemplu ida mak falta bee-moos iha uma-kain no fatin-públiku sira,” dehan Prezidente Repúblika liuhosi mensajen Komemorasaun Loron Restaurasaun Independénsia ba dala-18, iha Palásiu Prezidensiál Nicolau Lobato, Bairru Pité, Dili, kuarta ne’e.

Nia hatutan, timoroan sira ba hanorin timoroan maluk atu moris ho ijiene liuhosi fase-liman bei-beik, maibé timoroan barak mak to’o ohin loron la asesu ba bee-moos.

Tanba ne’e, Xefe estadu konsidera hahalok sala ne’e hahú hosi ukun-nain sira ne’ebé la halo planeamentu ba oinsá gasta ho di’ak Orsamentu Jeral Estadu ne’ebé mai hosi osan Fundu Minarai.

Notísia Relevante: Xefe Estadu La Tolera Aktu Violénsia Deputadu Balun iha PN

Jornalista : Cipriano Colo

Editór     : Cancio Ximenes

HAKEREK NO HATÁN

Please enter your comment!
Please enter your name here