Ministru Defeza, Filomeno da Paixão de Jesus. Imajen/António Gonçalves

DILI, 19 maiu 2020 (TATOLI)–Ministru Defeza Seguransa no Ministru Interiór Interinu, Fiomeno da Paixão de Jesus hateten, kona-ba seguransa iha PN laiha problema tanba antes ne’e ministériu fó ona orientasaun ba Komandu Polísia Nasionál Timor Leste (PNTL) hodi monta membru sira atu asegura Parlamentu Nasionál iha sala plenária nia laran no mós iha liur.

“Polísia iha ne’eba, asegura ona Parlamentu Nasionál, tantu iha laran no mós iha liur. Agora daudaun, deputadu sira sei kontinua ho diskusaun entre sira, no ita espera katak, Parlamentu Nasionál bele funsiona fila fali,” dehan Fiomeno da Paixão de Jesus ba jornalista sira hafoin hala’on enkontru ho Prezidente Repúblika (PR), Francisco Guterres “Lú Olo”o, iha Palásiu Prezidensiál Bairru Pité, Dili, tersa ne’e.

Ho prezensa membru PNTL iha arredores PN, Filomeno fira katak buat hotu sei la’o ho di’ak iha Parlamentu Nasionál.

“Iha ne’eba seguru. Iha laran no mós iha liur seguru hela. Tanba polisia iha pelotaun ida iha liur no laran, nune’e em termus seguransa laiha problema,” nia garante.

Nia informa, orientsaun ne’ebé sai  hosi Ministériu ba Komandu  katak Komandu PNTL tenke asegura atu nune’e Parlamentu Nasionál funsiona ho normalidade.

“Maibé, labele to’o situasaun ida ne’ebé krime. Kuandu situasaun krime no halo dezórden boot ida iha Parlamentu laran, atu impede funsionamentu Parlamentu nian, ami iha obrigasaun atu ba hodi normaliza situasaun, nune’e Parlamentu bele funsiona fila-fali,”  Ministru Interior interinu alerta.

Entretantu, durante loron rua (segunda-tersa, 18-19 maiu 2020) nia laran ne’e, bianhira mosu dezintendimentu iha Parlamentu Nasionál ne’e, hetan seguransa másimu husi membru Polisia Nasionál Timor Leste (PNTL) sira.

Notísia Relevante: Paixão Husu Povu Kontinua Hakmatek

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here