COVID-19

MANUFAHI, maiu 2020 (TATOLI)-Sentru Saúde Same Munisípiu Manufahi to’o oras ne’e seidauk rejistu kazu surtu COVID-19 ne’ebé maka transmite ona iha Komunidade nia le’et.

Xefe Sentru Saúde Same, Manuel da Costa Ferreira, hateten durante implementasaun programa triazen no vijilánsia sentinela, nia parte seidauk deteta pasiente ho sintoma coronavirus maka halo tratamentu saúde iha fatin ne’ebá.

Maski la deteta kazu COVID-19, maibé profisionál saúde sira kontinua implementa programa triazen no vijilánsia sentinela hodi hodi responde pedidu husi Governu liuhosi Sentru Integradu Jestaun Krize (CIGC-sigla portugés) hodi prevene transmisaun coronavirus.

“Sentru Saúde iha Same ne’e ema fó 20 ami tenke foti no ami haruka ona ba nasionál, maibé durante ne’e ita rejistu de’it moras baibain, kona-ba sintoma COVID-19 ne’e ita la rejistu,” dehan Nia ba Jornalista Sira iha Sentru Saúde Same, sabadu (16/05/2020).

Rejultadu implementasaun hosi programa triazen la’o di’ak tanba hetan apoiu kooperasaun husi Autoridade Munisípiu, Ministériu Saúde no Parseiru Dezenlvolvimentu sira iha Manufahi.

Enkuantu, Kona-ba rekursu umanu, Manuel tenik tan katak sira iha funsionáriu hamutuk 81 maka halo servisu iha sentru saude no postu saude sira.

“Ha’u nia elementu iha ne’e ema na’in 80 hamutuk ho ha’u 81, kuaze 50-resin mak servisu iha Same Vila no seluk ne’e iha postu sira, ne’ebé servisu sira hotu la’o di’ak tebes,”nia dehan tan.

Jornalista  : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here