COVID-19

MAUBISSE, 15 maiu 2020 (TATOLI)-Diretór Klínika Ospitál Referál Maubisse, Munisípiu Ainaro, Virgílio Mendonça Pereira, informa to’o oras ne’e nia parte seidauk deteta pasiente ho kazu surtu COVID-19.

Maski antes ne’e, nia parte rejista kazu suspeitu Coronavirus na’in ida maibé hafoin halo teste laboratóriu rejultadu negativu.

“To’o ohin loron Postu Administrativu Maubisse kontinua livre hosi COVID-19,”relata Virgílio Mendonça Pereira, ba jornalista sira, iha Maubisse, sesta (15/05/2020).

Kona-ba implementasaun triazen no vijilánsia sentinela, nia esplika programa ne’e implementa ho di’ak hodi foti ona amostra ba pasiente na’in 30 hodi haruka ba Laboratóriu Nasionál atu halo teste tanba iha problema ho infesaun respiratóriu.

“Agora daudauk sampel 30 mak haruka ona ba nasionál maibé hela 20 hodi halo kompleta tuir tarjetu nasionál ninian ami sei esforsu oinsá para bele halo kompleta,”nia hatutan.

Programa triazen no vijilánsia sentinela la’o ho susesu tanba hetan apoiu fasilidade protesaun hosi Ministériu Saúde ho Parseiru Dezenvolvimentu ba profisionál saúde hodi kombate transmisaun COVID-19 iha komunidade nia le’et.

Jornalista   : Hortencio Sanchez

Editór         : Agapito dos Santos

HAKEREK NO HATÁN

Please enter your comment!
Please enter your name here