Mikrolete iha Kapitál Dili. Imajen Tatoli/António Gonçalves

DILI, 15 maiu 2020 (TATOLI) – Ministru Transporte no Komunikasaun, José Agostinho da Silva, apela ba transporte públiku hanesan bis, mikrolete no taxi inklui angguna sira atu labele hasa’e tarifa durante períodu Estadu Emerjénsia.

“Klaru katak iha Estadu Emerjénsia ne’e fó impaktu ekonómiku, maibé Governu aprova ona subsídiu sosiál no ekonómiku atu responde ba kestaun sira. Ho nune’e, ha’u hanoin tarifa transporte sira labele hatuur tuir ita-nia hakarak rasik tanba iha regra ne’ebé hatuur ona hodi regula”,  tenik Ministru José Agostinho iha Palásiu Governu , foin lalais ne’e.

Iha situasaun Estadu Emerjénsia faze dahuluk medida ezekusaun Governu, suspende movimentu transporta públiku temporáriamente maibé iha faze daruak Estadu Emerjénsia iha fleksibilidade ba transporte públiku atu halo movimentasaun maibé ho regra ne’ebé estabelese husi Ministériu  Saúde no Sentru Intergradu Jestaun Krize (CICG, sigla portugés), liuliu distasiamentu sosiál

“Ita hatuur regra sira ne’e atu ita prevene COVID-19, maibé tenke kumpre nafatin regra saúde mundiál nian no Ministériu Saúde inklui CIGC,” nia sujere.

Tuir nia, presiza iha konsiénsia husi kada sidadaun ida-idak atu kumpre regra ne’ebé Governu estabelese ona hodi prevene pandemia globál.

“Ha’u hanoin maluk operadór transporte públiku iha vontade atu kumpre regra sira ne’ebé Govenru liuhosi Ministeriu Trasporte no Komunikasaun hatuur ona”, nia akresenta.

Jornalista: Florencio Miranda Ximenes

Editora: Julia Chatarina 

HAKEREK NO HATÁN

Please enter your comment!
Please enter your name here