Sergio Lobo, Membru Governu ida ne'ebé sai testamuña ba kazu ró ambulansia,. Imajen/Egas Cristovao

DILI, 15 maiu 2020 (TATOLI)-Portavóz Sentru Integradu Jestaun Krize (CIGC-sigla portugés) planea ona atu oferese formasaun ba profisionál saúde sira iha liña oin hodi atende kazu moderadu ka grave surtu COVID-19.

“Ita sempre reja ba Moromak atu fó buat di’ak ba ita, maibé ita mós tenki prepara an ba situasaun piór nian,” katak Sergio Lobo, durante konferénsia imprensa, iha CCD, Merkadu-Lama, sesta (15/05/2020).

Doutór Timoroan ne’e rekoiñese fatin izolamentu Sentru Saúde Vera Cruz durante ne’e sei infrenta problema rekursu umanu liliu koiñesementu pesoál sira hodi atende pasiente ho kazu COVID-19 ladun la’o ho di’ak tanba ne’e presiza formasaun rekursu umanu.

“Ita sei halo treinamentu ba pesoál saúde sira ne’e hodi bele halo jestaun no tratamentu ba kazu moderadu sira ne’e,” tenik Lobo.

Maibé nia la esplika ho detaillamente ba públiku kona-ba profisionál saúde na’in hirak maka sei partisipa formasaun ne’e.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here