iklan

NASIONÁL, DILI, HEADLINE, POLÍTIKA

PR Lú Olo Labele Disolve PN iha Períodu Estadu Emerjénsia

PR Lú Olo Labele Disolve PN iha Períodu Estadu Emerjénsia

Vise Prezidente Komisaun A ne'ebé trata asuntu Konstituisaun no Justisa, Francisco de Vasconcelos. Imajen/ Egas Cristovao

DILI, 14 maiu 2020 (TATOLI)—Vise-Xefe Bankada Partidu Libertasaun Populár (PLP), Francisco de Vasconcelos, hateten Prezidente Repúblika (PR), Francisco Guterres ‘Lú Olo’ labele disolve Parlamentu Nasionál tanba Timor-Leste iha períodu Estadu Emerjénsia (EE).

“Iha estadu emerjénsia ne’e iha artigu 6 órgaun soberania hanesan parlamentu labele hetan disolusaun no Konstituisaun RDTL hateten kuandu iha períodu Estadu Emerjénsia Prezidente Repúblika sei labele disolve Parlamentu Nasionál. Nia (Prezidente PN) ohin halo konferénsia ne’e hatudu la kompriende Konstituisaun,” dehan Vise-Xefe Bankada Partidu Libertasaun Populár (PLP), Francisco de Vasconcelos, ba jornalista sira iha resintu Parlamentu Nasionál, kinta ne’e.

Vise-Xefe Bankada PLP ne’e konsidera argumentasaun Prezidente Parlamentu Nasionál, Arão Noé la razoavel tanba Coronavirus (COVID-19) ne’e halo ema barak mate iha mundu tanba ne’e Timor-Leste tenke aplika Estadu Emerjénsia.

“Nia (PPN) husu fali PR Lú Olo halo disolusaun ba Parlamentu Nasionál iha períodu Estadu Emerjénsia ne’e labele. Ami husu nia ajenda ona mosaun destituisaun ne’e labele halo argumentu oin-oin,” nia dehan.

“Se nia la konsidera ona ami-nia pedidu destituisaun ne’e krime no abuzu poder, ita sei rezolve laiha problema. Ninia argumentu ne’e falsu tanba pedidu desituisaun ne’e liutiha ona prazu loron ne’ebé ko’alia iha rejimentu. Di’akliu prezidente parlamentu mai organiza de’it ajenda nune’e ita rezolve problema,” nia fó hanoin ba PPN.

Notísia Relevante: Laiha Dalan Ba Destituisaun, Arão Noé Kontinua Hein PR Lú Olo Disolve PN

Jornalista : Evaristo Soares Martins

Editór       : Cancio Ximenes

iklan
iklan

One Comment

  1. lalika komentar, bosok ten hotu imi sira ne’e, uluk orsalamentu sumba tiha, maibe nia la dizolve parlamento, agora imi alasan fali ba iha EE ona, imi hotu ho PR hotu hanesan deit. mesak bosok ten, halo tuir imi nia hakarak la obedese ba lei. lalika koalia tan ba imi nia matenek, imi nia intrepretasaun ba lei. hansan hotu deit.
    imi dehan PR la bele dizolve PN iha estadu emergensia nia laran, depois imi hakark halo distituisaun ba PN iha estadu Emergensia nia laran diak fali?????. neeee signfika katak imi hakarak hadau poder, imi politik ba imi nia interese, imi la hadomi povo no nasaun, imi la obedese ba lei inan KRTDL. imi nia politik hakarak hadau poder deit.

Leave a Reply

iklan
error: Content is protected !!