Profesionais mediku husi Ministeriu Saude nebe atende abitante sira iha kuarentena Tasitolu.Imajen/TATOLI

DILI,12 maiu 2020 (TATOLI)-Assosiasaun Enfermeiru Timor-Leste liuhosi konferénsia imprensa tersa ohin, husu ba governu atu revee filafali desizaun kona-ba valór suplementu remuneratóriu $ 25 ba ekipa liña oin, prevensaun surtu COVID-19.

”Ami husu nafatin ba Ministériu Saúde para haree no tetu fila fali subsidiu renumeratóriu tanba ita haree ba risku sira ne’ebé mak iha ligadu ho servisu nian no mós liga ho volume servisu ne’ebé mak iha entaun haree mós aspetu balun profisionál ninia,”deklara, Prezidente AETL, Joaquin Gregorio Carvalho, iha Postu Saúde, Maloa, ohin.

Notísia Relevante :Governu Konsidera $ 25 ba Ekipa Liña Oin Ne’e Razuavel

Entretantu, antes ne’e, Vise Ministru Dezenvolvimentu Saúde, Bonafácio Maucoli dos Reis, hateten subsídiu ba ekipa liña oin inklui médiku sira ne’e razoavel tanba Timor-Leste seidauk tama iha kazu grave transmisaun surtu coronavirus.

Notísia Relevante :Governu Aprova Suplementu Remuneratóriu ba Profesionál Liña Frente Kada Loron $25

“Ami aprova orsamentu ba iha liña frente $ 25 $ 20 $ 15. Ita sei hasa’e subsídiu ne’e maibé faze ba faze mak hasa’e para orsamentu ne’e ita uza ba buat seluk la’ós atu haree ba ida ne’e de’it entaun agora ita sei la’o ho situasaun ida akontese ne’e mak hanesan kazu lijeiru hela,” katak Governante ne’e ba Jornalista sira foinlalais.

Notísia Relevante :Profisionál Saúde Sira La Satisfeitu ho Valór Suplementu Remuneratóriu

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here