Primeiru-Ministru, Taur Matan Ruak, prezide reuniaun Konsellu Ministru estraordinária iha Salaun Ministériu Finansa, Aitarak-Laran, sexta (08/05). Imajen Tatoli/Egas Cristovão

DILI, 08 maiu 2020 (TATOLI) – Reuniaun Konsellu Ministru estraordinária aprova ona Projetu Dekretu-Lei ne’ebé aprezenta husi Primeiru-Ministru, Taur Matan Ruak, refere ba alterasaun dahuluk ba Dekretu-Lei númeru 12/2020 14 abríl kona-ba regulamentu Fundu COVID-19.

Alterasaun Dekretu-lei ne’e, husi forma hodi hatán ba difikuldade sira ne’ebé mak hetan, hodi  asegura ho lalais iha tramitasaun prosesu aprovizionamentu no iha selebrasaun kontratu públiku ne’ebé atu responde ba situasaun urjénsia.

“Diploma ne’e rasik atribui ba Konsellu Ministru nia kompeténsia, liuhusi Dekretu Governu, tranzitoriamente ne’ebé fó dalan iha kazu devidamente justifikadu no tranzitoriamente órgaun sira hanesan determinadu iha departamentu governamentál ka pesoa koletiva públika ne’ebé bele prátika aktu ba kompeténsia ne’ebé iha prinsípiu inklui iha kuadru husi atribuisaun departamentu governamentál seluk ka pesoa koletiva públika”, refere nota impresa ne’ebé Agência Tatoli asesu hafoin reuniaun Konsellu Ministru iha edifísiu Ministériu Finansa, Aitarak-Laran, sesta ne’e.

Dekretu-Lei ne’e atribui mós Diretór Jerál sira, ne’ebé mak responsável husi servisu finanseiru husi departamentu governamentál oin-oin ba kompeténsia hodi autoriza realizasaun husi prosedimentu aprovizionamentu ne’ebé destinadu ba adjudikasaun kontratu públiku sira ne’ebé ninia despeza sei finansia husi Fundu COVID-19.

”Ida-ne’e sei la a’as liu millaun $1 no mós assina kontratu sira ne’ebé adjudikadu iha sekuénsia ba realizasaun prosedimentu aprovizionamentu ne’e rasik”, relata nota ne’e.

Jornalista: Florencio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here