Portavóz CIGC, Odete Viegas. Imajen/Egas Cristovão

DILI, 08 maio 2020 (TATOLI)–Portavóz Sentru Integradu Jestaun Krize (CIGC-sigla portugés), Odete Viegas da Silva informa relatóriu servisu konjunta hosi forsa tarefa ne’ebé rekoilla amostra ka vijilánsia sentinela rejista populasaun hamutuk ema na’in 130 maka iha sintoma infesaun ba respiratóriu aguda iha munisípiu lima.

“Husi dadus sintoma respiratóriu ne’e rasik husi Bobonaro na’in 13, Covalima 13, Ermera 10, Lautem 18, Liquiça 56 no Mantuto 20,” dehan Odete Viegas da Silva durante konferénsia imprensa iha CCD, ohin.

Alende ne’e rejista mós suspeitu ba COVID-19 iha munisípiu hamutuk ema na’in 56, husi Covalima na’in neen, Ermera na’in neen, Lautem na’in rua no Liquiça 42.

Entretantu, dadus akumulativu kona-ba surtu COVID-19 ne’ebé maka CIGC update ba sesta ohin total númeru komulativu ba teste hamutuk 830, hein rezultadu 114, kazu konfirmadu mantein 24, kazu foun 0, total rezultadu laboratóriu negativu 692, total kazu rekuperadu 17+4=21, no kazu baixa na’in hitu, númeru ema mate 0.

Total profisonál Saúde iha kuarentena hamutuk ema 44, totál abitante kuarentena obrigatóriu 135, Dili ema na’in 101, Munisípiu 34. Auto-kuarentan iha Dili 0 no Munisípiu hamutuk ema 32.

Abitante ne’ebé pasa ona loron 14 iha kuarentena obrigatóriu hamutuk 2080, hosi Dili 1.642 no Munisípiu 483.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here