Primeiru-Ministru, Taur Matan Ruak. Imajen /Egas Cristovão

DILI, 07 maiu 2020 (TATOLI)—Primeiru-Ministru Taur Matan Ruak rekuñese implementasaun Estadu Emerjénsia períodu daruak ba propagasaun surtu COVID-19 ne’e iha difikuldade uitoan tanba populasaun sira dezkontroladu.

Durante enkontru semanál ho Prezidente Repúblika (PR), Francisco Guterres Lu Olo, iha Palásiu Prezidensiál Bairru Pite, Dili, Primeiru-Ministru Taur Matan Ruak aprezenta mós situasaun Estadu Emerjénsia ne’e.

“Ohin, ita ko’alia kona-ba implementasaun estadu emerjénsia ne’e ita iha difikuldade uitoan liuliu ita-nia populasaun sira komesa sai barak, dezkontrolu uitoan. Tanba ne’e, orsida lorokraik ita sei iha reuniaun ida ho Komandu Polísia Nasionál Timor Leste (PNTL) no Komandu FALINTIL-Forsa Defeza Timor Leste, Sala Situasaun Sentru Integradu Jestaun Krize, Minitsru Defeza no Ministru Interiór Interinu, oinsa maka kontrolu ne’e bele di’ak,” dehan Taur Matan Ruak ba jornalista sira, kinta ne’e.

Entretantu, Prezidente Repúblika dekreta implementasaun estadu emerjénsia ba períodu daruak, iha loron 28 fulan abril 2020 to’o loron 27 maiu 2020.

Notísia Relevante: Prezidente Repúblika Promulga Estensaun Estadu Emerjénsia

Jornalista : Cipriano Colo

Editór      : Cancio Ximene.

HAKEREK NO HATÁN

Please enter your comment!
Please enter your name here