Primeiru-Ministru, Taur Matan Ruak. Imajen /Egas Cristovão

DILI, 07 maiu 2020 (TATOLI)—Primeiru-Ministru (PM), Taur Matan Ruak hateten, Governu hein de’it Xefe Estadu Francisco Guterres “Lú Olo” atu marka loron hodi fó pose ba membru Governu na’in-neen ne’ebé antes ne’e aprezenta ona ba Prezidente Republika.

“Lista antes ne’e aprezenta tiha ona. Hein de’it Prezidente Repúblika. Kuandu deside hodi marka loron, ita-boot sira sei haree. Prosesu ne’e sei la’o,” dehan Taur Matan Ruakba jornalista hafoin hala’o enkontru semanál ho Prezidente Repúblika iha Palasiu Prezidensiál Bairru Pité, Dili, kinta ne’e.

Entretantu, lista ne’ebé antes ne’e Taur Matan Ruak aprezenta ba Prezidente Repúblika iha na’in neen (6) ne’ebé membru Governu hosi Partidu Demokrátiku (PD) no mós Partidu Frente Revolusionáriu Timor Leste Independente (FRETILIN) hodi kompleta estrutura VIII Gvernu Konstitusionál.

Naran membru Governu na’in neen (6) iha lista ne’e mak hanesan Ministru Finansas Fernando Hanjam (FRETILIN), Minitsru Komérsiu, Indústria no Turizmu Manuel Vong (FRETILIN), Ministra Saúde Odete Freitas Belo (FRETILIN), Ministru Administrasaun Estatál Faustino Cardoso (FRETILIN), Vise Ministra Komérsiu, Indústria no Turizmu Inácia Texeira (FRETILIN) no Ministru Asuntu Kombatentes Libertasaun Nasionál, Meta Malik (PD).

Jornalista : Cipriano Colo

Editór       : Cancio Ximenes

HAKEREK NO HATÁN

Please enter your comment!
Please enter your name here