Prezidente Parlamentu Nasionál, Arão Noé de Jesus da Costa Amaral. Imajen Tatoli/António Gonçalves

DILI, 07 maiu 2020 (TATOLI)—Prezidente Parlamentu Nasionál, Arão Noé de Jesus da Costa Amaral, rejeita paraliza ka boikota funsionamentu Parlamentu Nasionál.

“Ha’u sei fó resposta ba rekerimentu ne’e. Lae, ha’u la boikota funsionamentu Parlamentu Nasionál tanba agora iha COVID-19. Uluk, iha 2017 to’o 2018, iha IV Lejizlatura laiha plenária, laiha ema ida kestiona, tanbasá mak ida-ne’e kestiona. Iha reuniaun líder bankada deside katak durante COVID-19 ne’e kuandu iha ajenda Ordem do Dia mak iha plenária. Se laiha ajenda Ordem do Dia laiha plenária,” dehan Arão Noé ba jornalista sira iha Parlamentu Nasionál, kinta ne’e.

Prezidente Parlamentu Nasionál sei justifika pontu lubuk ida ne’ebé rekerente sira koloka iha rekerimentu ba destitusaun nian.

“Kona-ba ajendamentu ba rekerimentu destituisaun ne’e, ha’u sei haree lai ninia konteúdu depois bele hatete ajenda ka lae. Pedidu ida uluk tama iha janeiru ba destituisaun Prezidente IV Lejizlatura to’o fim do mandatu 2018 nein (laiha) ajenda, ne’e hatudu katak la viola buat ida,” nia esplika.

Notísia Relevante: PPN Arão Sei Halo Análize Hafoin Resposta Rekerimentu Destituisaun

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here