Komandante Jerál PNTL, Komísariu Faustino da Costa. Imajen /Antonio Goncalves

DILI, 07 maiu 2020 (TATOLI)—Komandante Jerál Polísia Nasionál Timor Leste (PNTL), Komisáriu Faustino da Costa informa, durante fulan abril númeru asidente hamutuk 54 ne’ebé rezulta ema na’in-ida mate, na’in-lima kanek todan no na’in-40 resin kanek kmaan.

“Ohin, infroma ba Prezidente Repúblika katak iha fulan abril ita-nia kazu asidente hamutuk 54. Husi kazu hirak ne’e, rezultadu na’in-ida mak mate. Ita-boot sira akompaña hela, iha ema na’in-rua ne’ebé mak halo viajen hosi Maliana atu ba Atsabe depois fila soke no monu mesak. Ida ne’e iha fulan abril nia laran no iha ema na’in-lima mak kanek todan no na’in-40 resin kanek kmaan,” dehan Komandante Jerál Polisia Nasionál Timor Leste (PNTL), Komisáriu Faustino da Costa, ba jornalista sira hafoin hala’o enkontru semanál, iha Palasiu Prezidensiál, Bairru Pité, Díli, kinta ne’e.

Entretantu kona-ba situasaun politika rai laran, nia hateten, komandu Polísia Nasionál Timor Leste (PNTL) orienta nafatin membru sira hodi hala’o knaar tuir lei no doutrina polísia nian ne’ebé sira banati.

“Karik iha rumoris oin-oin, polisia sei halo nia serbisu bazeia ba lei,” Faustino hateten.

Oras ne’e daudaun, PNTL mós halo ona vizilánsia másima hodi destaka membru polísia sira iha estrada públiku sira iha Kapital Dili.

Jornalista : Cipriano Colo

Editór     : Cancio Ximenes

HAKEREK NO HATÁN

Please enter your comment!
Please enter your name here