SEAPC-Net hala’o enkontru dahuluk via virtual, zoom.com, kuarta (06/05/2020). Imajen/Mídia CI

DILI, 06 maiu 2020 (TATOLI)—Rede Konsellu Imprensa Sudeste Aziátiku ka Southeast Asia Press Council Network (SEAPC-Net), kuarta (06/05/2020), purvolta tuku 16:00 Otl,  hala’o enkontru dahuluk via virtual, zoom.com.

Notísia Relevante : Primeira Asembleia Jerál SEAPC-Net Hili Muhammad NUH ba Prezidente

Komunikadu imprensa ne’ebé Ajénsia Tatoli asesu husi Konsellu Imprensa (CI) Timor-Leste nu’udár mós fundadór no membru SEAPC-Net informa katak, enkontru ne’e loloos hala’o iha Dili, iha loron 06 maiu 2020, maibé kansela tiha tanba situasaun propagasaun surtu Coronavirus ka COVID19 ne’ebé lori preokupasaun boot ba mundu, inklui nasaun sira membru Sudeste Aziátiku.

Ho propagasaun peste letál no inimigu invizivel ne’e, sekretariadu SEAPC-Net organiza enkontru liuhosi online programa zoom.com ho  membru sira hodi hasai deklarasaun konjunta ida (join statement) kona-ba COVID-19.

Iha join statement ida-ne’e, membru sira foka mós ba órgaun komunikasaun sosiál ka mídia sira atu kombate disinformation no fake news iha situasaun propagasaun COVID-19 no fó mós apresiasaun ba serbisu profisionál saúde sira.

Enkontru  ne’ebé lidera diretamente husi  prezidente SEAPC-Net, Muhammad Nuh, atuál prezidente (ketua) Dewan Pers Indonesia ne’e, partisipa membru husi Dewan Pers Indonesia (DPI), Thailand Press Council, Myanmar Press Council ho mós Conselho de Imprensa de Timor-Leste.

Notísia Relevante : SEAPC-Net Fó Espasu Ida ba Apoia Polítika Estadu TL

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here