Portavóz Gabinete Sentru Integradu Jestaun Krize (CIGC), Sergio Lobo. Imajen/Egas Cristovao

DILI, 06 maiu 2020 (TATOLI)-Portavós Sala Situasaun Sentru Integradu Jestaun Krize (CIGC) nu’udar mós Koordenadór Forsa Tarefa Prevensaun no Metigasaun Surtu COVID-19, Sergio Lobo esklarese, agora daudaun ekipa Ministériu Saúde hahú halo ona enkontru hodi diskute valór suplementu remuneratóriu ba profisionál saúde sira ne’ebé konsidera serbisu másimu iha liña frente hodi atende pasiente surtu Coronavirus ka COVID-19.

Notísia Relevante : Profisionál Saúde Sira La Satisfeitu ho Valór Suplementu Remuneratóriu

“Ha’u hanoin agora daudaun Ministériu Saúde foin halo enkontru hodi halo ajustamentu atu haree se maka tama iha grupu númeru 1, 2 no númeru 3, tanba ha’u seidauk hatene, se maka halo protesta tanba klasifikasaun ne’e ka tanba montante, ita sei loke dalan ba diálogu kuandu ema ladún kontente ho subsídiu ne’e,” hateten Sergio Lobo, hodi responde jornalista iha Sentru Mídia CIGC, kuarta (06/05/2020) iha Sentru Konvensaun Dili (CCD).

Sergio hatutan, Ministériu Saúde rasik simu ona informasaun protesta husi pesoál saúde hodi diskute para buka solusaun ida di’ak.

“Ita hein Ministériu Saúde bele ajusta dadus hodi fó justu ba ema sira ne’ebé halo serbisu iha risku,” Sergio Lobo tenik.

Jornalista   : Eugénio Pereira

Editór        : Francisco Simões

 

 

HAKEREK NO HATÁN

Please enter your comment!
Please enter your name here