Primeiru-Ministru, Taur Matan Ruak prezide reuniaun Konsellu Ministru iha Salaun Ministériu Finansa, Aitarak-Laran, kuarta (06/05). Imajen Tatoli/Egas CAristovão

DILI, 06 maiu 2020 (TATOLI) – Ezekutivu sira liuhosi reuniaun Konsellu Ministru (KM) aprova projetu deliberasaun tolu ne’ebé aprezenta hosi Ministru Obra Públika, Salvador  Eugênio Soares dos Reis Pires.

Projetu deliberasaun tolu ne’e mak hanesan Memorandu Entendimentu ida, Protokolu Kooperasaun rua no entidade públika husi Portugál.

“Projetu aprovadu dahuluk ne’e refere ba Memorandu Entendimentu entre Ministériu Ekonomia no Empregu Repúblika Portugueza no Ministériu Obra Públika hamutuk mós ho Ministériu Petróliu no Rekursu Mina-rai iha Repuúblika Demokrátika Timor-Leste iha domíniu Enerjia (Eletrisidade no kombustivel), Jeologia no mina nian”, relata nota ofisiál ne’ebé Agência Tatoli simu hafoin reuniaun ezekutivu iha Ministériu Finansa, Aitarak-laran, kuarta ne’e.

Nota ne’e hatutan, ezekutivu sira mós halo aprovasaun kona-ba Protokolu Kooperasaun entre Ministériu Ambiente no Ordenamentu Territóriu no Enerjia Repúblika Portigueza no MOP Timor-Leste iha matéria ba Bee, Saneamentu, Drenajen, no Jestaun Reduzídu Sólidu sira.

Aleinde ne’e, aprova mós protokulu entre Intitutu Públiku (IP) Enjnñaria, S.A. Ministériu Obra Públika, no Ministériu Transporte no Komunikasaun (MTK) Timor-Leste, iha ámbitu Organizasaun Jestaun Rede Rodaviária Timor-Leste.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here