Portavóz CIGC no Koordenadór Ligasaun Ofisiál ba Forsa Tarefa COVID-19, Rui Maria de Araújo. Imajen/Egas Cristovão

DILI, 05 maiu 2020 (TATOLI)-Tuir relatóriu hosi Sala Situasaun Sentru Integradu Jestaun Krize (CIGC-sigla portugés) relata totál sidadaun ne’ebé maka oras ne’e hela iha kuarentena obrigatóriu no auto-kuarentena iha Dili no Munisípiu sira hahú menus.

Portavóz CIGC, Rui Maria de Araújo, hateten to’o tersa ohin, abitante hamutuk 253 maka sei kontinua kumpre kuarentena obrigatóriu durante loron 14.

Kuarentena obrigatóriu iha Munisípiu Dili hamutuk abitante 169, Munisípiu ema na’in 38, auto-kuarentena iha Munisípiu hamutuk 46 maibé auto-kuarentena iha Dili laiha.

“Sira ne’ebé pasa ona loron 14 hamutuk 1979, hosi Munisípiu Dili hamutuk ema 1.559, no Munisípiu 420,” katak Doutór Rui Maria de Araújo, durante konferénsia imprensa, iha Sentru Konvensaun Dili (CCD-sigla portugés), tersa ohin.

Eis Ezekutivu iha mandatu Governu Konstitusionál daneen ne’e hatutan númeru ema ne’ebé teste ona hamutuk 719, hein rezultadu 73, negativu 622, konfirmadu 24 na’in 20 rekuperadu, provável na’in haat no konfirmadu 16, no ema na’in ualu maka sei baixa iha sala izolamentu Sentru Saúde Vera-Cruz.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here